Ra’iisul Wasaaraha Xukuumadda Soomaaliya Mudane Maxamed Xuseen Rooble ayaa xalay kulan la qaatay madaxda Bangiyda dalka oo uu ku dhiirrigaliyay kaalinta wanaagsan ay kaga jiraan horumarinta dhaqaalaha dalka.
Kulanka Ra’isul Wasaare Rooble la yeeshay Madaxda Bangiyada dalka ayaa looga hadlay horumarka dhaqaalaha dalka iyo doorka muhiimka ah ee ku leeyihiin Bangiyada casriga ee Soomaaliya ka shaqeeya.
Ra’isul Wasaare Maxamed Xuseen Rooble ayaa Madaxda Bangiyada u ballan qaaday in xukuumaddu uu hogaamiyo u fududeyn doonto howlahooda shaqo ,si dhaqaalaha dalku u hormaro kaalin weyna ka geestaan bangiyada.
Soomaaliya ayaa waxaa xiligan kusoo badanaya bangiyo casri ah oo bixiya adeegyada bangiyada caalamka oo kale, waxa ayna Bangiyada dalka kaalin muuqata ka qaateen horumarka dhaqaalaha dalka.
Xafiiska Shabakada Allbanaadir.com
Muqdisho Somalia
Allbanaadir@live.com
