Waxaa magaalada Muqdisho Tababar loogu soo gabo gabeeyay saraakiil katirsan booliiska ciidamada Nabad ilaalinta u jooga Soomaaliya ee AMISOM, kuwaa oo loogu tala galay in ay gacan ka geestaan amaanka iyo ilaalinta doorashada Soomaaliya ka dhaceysa.
Tababarkan oo ugu socday Magaalada Muqdisho 160 saraakiil Boolis ah oo ka tirsan AMISOM ayaa gabo gabadiisa waxaa ka qeyb galay saraakiil katirsan Howlgalka Midowga Afrika ee Soomaaliya .
Taliyaha Ciidanka Booliska AMISOM Augustine Kailie , ayaa sheegay in saraakiishani ay sii fulin doonaan tababarro ,howlaha kormeerka iyo la talinta Ciidamada Booliska Soomaaliyeed sidoo kale gacan ka geesan doonaan sugida amaanka Doorashada.
Ciidamada booliiska AMISOM ee ku sugan Soomaaliya ayaa inta badan gacan ka siiya booliiska Soomaaliya dhinaca tababarada iyo howlgalada, mana jiraan inta badan shaqooyin badan ay booliiska AMISOM ka qabtaan Muqdisho iyo gobolada dalka.
Xafiiska Shabakada Allbanaadir.com
Muqdisho Somalia
Allbanaadir@live.com
