Allbanaadir.com
MUQDISHONEWS

(Sawirro) Heshiis taariikhi ah oo lagu kala saxiixday Jowhar & Cali Guudlaawe oo..

Madaxweynaha Hirshabeelle Mudane Cali Guudlaawe Hussein ayaa xalay munaasabad casho sharaf ah oo lagu soo gunaanadayay Shirka Nabadeynta iyo Dib u Heshiisiinta Beelo Walaalo ah oo wada dega Degmada Cadale ugu sameeyay magaalada Jowhar.

Munaasabada ay kasoo qeybgaleen Gudoomiye Ku-xigeenka 1aad ee Baarlamaanka ahna ku-simaha Gudoomiyaha Siraaji Sheikh Isxaaq Xubnaha Labada Gole ee Hirshabelle, Maamulka Gobolka Shabeellaha Dhexe, Nabadoonada iyo Waxgaradka labada beelood, Ururada Haweenka iyo Dhalinyarada iyo Masuuliyiin kale.

Cali Guudlaawe ayaa goobjoog u ahaa Heshiis taariikhi ah oo ay kala saxiixdeen Beelahan Walaalaha ah ee Cabdalle Caroone iyo Celi Cumar.

“Gogoshaan oo aan fidiyay caawana aan goobjoog u ahaa Heshiiskan Taariikhiga ah ee laga gaaray Nabadeynta Beelaha Walaalaha ah ee wada dega Degmada Cadale waa ii farxad waxaana marwalba ka shaqeyn doonaa oo aan horey u sii wadayaa dib u Heshiisiinta Bulshada aan hogaamiyo Insha Allah” ayuu yiri Cali Guudlaawe oo labada beelood kula dardaarmay iney si daacadnimo ah u fuliyaan heshiiska, nabadna ku soo dabaalaan degaanadii lagu dagaalamay.

Beelahan ayey colaadoodu muddo dheer ka jirtay degmada Cadale ee gobolka Sh/dhexe iyo degaanada ku dhow, waxaana marar badan dhexmaray dagaalo ay dad badan ku dhinteen, iyadoo colaada ka dhexeysay ay sabab u aheyd dilal aanooyin qabiil oo muddo badan sii jiitamayey.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Al-Shabaab oo saaka dagaal ku qabsatay Saldhig ay leeyihiin Ciidamada dowlada

Caydiid Ali

Madaxweyne Deni oo qaabilay wefdi uu horkacayey Mr. Adam Abdelmoula (Sawirro)

Caydiid Ali

Madaxweyne Ruto oo shaaciyay in Diyaar u yahay la kulanka Raila Odinga

Cabdi Cade
Taboola Ads ---