Taliska ciidamada asluubta Soomaaliyeed ayaa shaaciyay in qaraxii saaka ka dhacay magaalada Muqdisho uu dhimasho iyo dhaawac u geystay qaar ka mida askarta ilaalada taliyaha ciidamada asluubta.
Afhayeenka Taliska Asluubta Cabdiqani Maxamed Khalaf ayaa xaqiijiyey in qaraxa oo ahaa mid fool xun oo lala beegsaday gaadiid gelbinayey Taliyaha ciidamada Asluubta iyo saraakiisha oo shaqo u socday xili ay marayeen agagaarka madaxtooyadii hore ee Cabdi-qaasim.
Qaraxaasi oo ahaa miino wadada la geliyey ayaa waxaa ku dhintay laba askari oo ka tirsan ciidamada Asluubta iyo qof shacab ah, halka ay ku dhaawameen afar kale.
Wuxuu sheegay inaan la gaarin ujeedadii iyo hadafkii laga lahaa qaraxa oo ahayd in la gumaado dadka, wuxuuna tacsi u diray dadkii ku geeriyooday qaraxa oo masuuliyadiisa ay sheegatay Al-shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
