Dagaalyahano aad u hubeesan oo katirsan Al Shabaab ayaa xalay weerar dhoor jiho ah kusoo qaaday fariisimo ciidanka milatariga Soomaaliya ku lahaayeen degmada Afgooye ee gobolka Shabeelaha Hoose.
Wararka aan helnay ayaa sheegaya in dagaalyahanada Al Shabaab weerar sadex jiho ah ku qaadeen fariisimo ciidanka dowlada ku lahaayeen Buundada weyn ee Afgooye, Koontaroolka Mukayga iyo Haanta Dheer .
Dagaal mudo ku dhaw saacad socday ayaa lagu soo waramayaa in uu dhax maray ciidamada dowlada iyo kuwa Al Shabaab, dagaalka ayaana la isku adeegsaday hubka nuucyadiisa kala duwan.
Lama oga khasaaraha dhimasho iyo midka dhaawac ee ka dhashay dagaalkan xoogan ee xalay ka dhacay degmada Afgooye, waxaana xaalad cabsi ah xalay lasoo daristay sahacabka ku dhaqan Afgooye oo mudooyinkan ka nastay weeraradii Al Shabaab.
Ciidamada Milatariga Soomaaliya ayaana sdaakay howlgalo ka sameeyay aagagii lagu dagaalamay, waxaana halkaasi dib uga baxay dagaalyahandii Al Shabaab ee xalay weerarka kusoo qaaday degmada Afgooye.
Xafiiska Shabakada Allbanaadir.com
Muqdisho Somalia
Allbanaadir@live.com
