Hoggaamiyaha Xisbiga Wadajir ahna Musharrax Madaxweyne C/raxmaan C/shakuur Warsame ayaa muuqaal uu xalay iska soo duubay kaga codsaday bulshada Soomaaliyeed ee jooga dal iyo dibad in ay ka caawiyaan lacagta ku baxeysa ololihiisa doorashada.
Musharaxa ayaa sheegay in muhiim tahay in la helo Madaxweyne ka madax banaan wadamo shisheeye oo ku adeegta sidaa darteed loo baahan yahay shacabka Soomaaliyeed in ay dhaqaalo ku taageeraan si uu u noqdo Madaxweyne dadka Soomaaliyeed u adeega.
Codsiga uu Hogaamiyaha Wadajir u jeediyay bulshada Soomaaliyeed ayaa hadal heyn badan ka abuurtay baraha bulshada, waxaana dadka qaar codsigaasi ku tilmaameen mid muhiim ah halka kuwa kalana ay ku durayeen musharaxa.
Dadka ka felceliyay codsiga Cabdiraxmaan Cabdishakuur ayaa qaarkood sheegeen in Madaxda caalamka sidan oo kale taageero u weediistaan bulshada halka kuwa kalana sheegeen in Musharaxa doonayo in dhaqaalo ka helo ololihiisa doorashada.
Baraha bulshada ayaa lasoo dhigayay sawirro iyo muuqaalo maad ah oo laga sameeyay codsiga Musharax Madaxweyne Cabdiraxmaan Cabdishakuur Warsame, waxa ayna dadka qaar soo sawireen lacago ay EVC ahaan ugu direen numberka Musharaxa.
Musharax Cabdiraxmaan Cabdishakuur Warsame ayaa noqday musharaxii ugu horeeyay ee u taagan xilka Madaxweynaha Soomaaliya ee sanadkan oo si toos ah shacabka Soomaaliyeed u weediistay taageere dhaqaale uu olalaha ku galo.
Xafiiska Shabakada Allbanaadir.com
Muqdisho Somalia
Allbanaadir@live.com
