Ciidamada amniga DF ayaa xalay toogasho ku dilay nin bam gacmeed ku weeraray fariisin ciidamadu ku leeyihiin isgoyska Howlwadaag ee magaalada Muqdisho.
Ninkan ayaa markii hore bamka ku tuuray goob ay ku sugnaayeen ciidamada, waxaana ka dib toogasho ku dilay askartii halkaas ku sugneyd xili uu isku dayey inuu baxsado.
Qaraxa ka dhashay bamka uu tuuray ninkan ayay wararku sheegayaan iney ku dhaawacmeen sadex qof oo iskugu jira askar iyo rayid sida laga soo xigtay dad goob joogayaal ah.
Meydka ninkan oo xalay ku baryey nawaaxiga isgoyska Howlwadaag ayaa la soo sheegayaa iney saaka qaadeen ciidamada amaanka, si ay u aasaan.
Inkastoo aysan jirin illaa hadda cid sheegatay weerarkan haddana kooxda Al-shabaab ayaa la aaminsan yahay iney ka dambeeyeen, kuwaasoo horey u sheegtay weeraro kan la mid ah.
Xafiiska Shabakada Allbanaadir.com
Muqdisho Somalia
Allbanaadir@live.com
