Ciidanka Booliska Galmudug ee ka howlgala dagmada Caabudwaaq ee Gobolka Galgaduud ayaa gacanta ku soo dhigay nin ay sheegeen in looga shaki qabo inuu Kufsi iyo dil ka gaystay degmadaas.
Jaamac Maxamed Yuusuf ayey saraakiisha Booliska Caabudwaaq sheegeen inuu yahay ninkii dilka iyo kufsiga u gaystay haweeney la oran jiray Ubax Maxamed macalin Yaxye oo meydkeeda laga helay duleedka degmada Caabudwaaq.
Marxuumada ayaa la waayey dhowr cisho ka hor, waxaana intaan la dilin ka hor loo geystay Kufsi sida ay xaqiijiyeen saraakiisha Booliska, waxaana galabta lagu aasay qabuure ku yaalla degmadaas.
Taliyaha saldhigga Booliska Caabudwaaq Farxaan Xuseen Xasan ayaa warbaahinta u sheegay in ruuxa la soo xiray ay ku tuhunsan yihiin inuu ka dambeeyay dilka Ubax Maxamed Yaxye, isagoo xusay in baaritaan dheer uu ku socdo.
Xafiiska Shabakada Allbanaadir.com
Muqdisho Somalia
Allbanaadir@live.com
