Qarax loo adeegsaday gaari waxyaabaha qarxa laga soo buuxiyay ayaa ka dhacay magaalada Nashville ee dalka Maraykanka, waxaana qaraxaasi khasaaro kasoo gaaray dad ka agdhawaa goobta uu ka dhacay.
Inta la xaqiijiyay sadex qof ayaa dhaawacyo kala duwan kasoo gaaray qaraxan ka dhacay magaalada Nashville, waxaana booliiska ku guuleesteen in dadka ka fogeeyaan goobta uu qaraxu ka dhacay.
Afhayeenka booliska magaalada Nashville ,ayaa Warbaahinta u sheegay in goobta qaraxu ka dhacay loogu yeeray booliiska iyada oo lagu wargaliyay in toogasho halkaasi ka socoto, waxaana ujeedka sheegay in aheyd in booliiska lagu waxyeeleeyo qaraxaasi.
Qaraxa ayaa la sheegay in uu ka dhashay gaari waxyaabaha qarxa laga soo buuxiyay oo la dhigay goobta gaadiidka la dhigo, lamana oga ilaa hada cidii ka dambeesay qaraxaasi gaariga loo adeegsaday.
Muuqaalo warbaahinta lasoo dhigay ayaa muujinayay qaraxan oo waxyeelo gaarsiiyay dhismayaal ku yaala goobta uu qaraxu ka dhacay iyo sidoo kale gaadiid yaalay halka gaariga ku qarxay.
Xafiiska Shabakada Allbanaadir.com
Muqdisho Somalia
Allbanaadir@live.com
