Allbanaadir.com
HIRSHABELLENEWS

Wariye Caan ah oo Wareestay Jeneraal Abuukar Xuud oo Caawa la xiray

Wararka ka imaanaya magaalada Baladweyne ee xarunta gobolka Hiiraan ayaa sheegaya in caawa ciidamada booliiska ee magaaladaasi ka howlgala xabsiga dhigeen Wariye Cabduqaadir Faarax Dulyar oo ka howgala  Muqdisho.

Wariyaha ayaa magaalada Baladweyne duleedkeeda Wareysi kaga soo qaaday Jeneraal Abuukar Xuud oo ciidamo badan ku heesta Duleedka magaalada Baladweyne, Jeneraalkan ayaana kasoo horjeeda maamulka Hirshabelle ee Baladweyne ka arimiya.

Sida aan Wararka ku helnay ciidamada booliiska ayaa caawa u dhacay Hotelka uu magaalada Baladweyne ka degnaa Wariye Dulyar kana xireen, waxaana Wariyaha lala xiray nin kale oo la joogay.

Wariyaasha ka howlgala magaalada Baladweyne oo dadaalo ku bixiyay sii deynta Wariyaha ayaa ku guul dareestay, waxaana Madaxweyne kuxigeenka Hirshabelle Yuusuf Dabageel iyo saraakiisha booliiska sheegeen in arinta Wariyaha xiran beri laga wada hadli doono.

Maamulka Hirshabelle uu hormuudka ka yahay Madaxweyne kuxigeenka maamulkaasi ayaa caburin xoogan ku haya Warbaahinta ka howlagasha magaaladaasi, waxa ay sidoo kale caburin ku hayaan dadka kasoo horjeeda maamulka Hirshabelle.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Musharaxiin Madaxweyne oo War cusub soo saaray kuna dhawaaqay Go’aano adag

Cabdi Cade

Sadex Qof oo maanta lagu dilay Muqdisho iyo Faah faahino kasoo baxaya

Cabdi Cade

Ilmo 10 sano jir ah oo dhac yaab leh ka geystay Bangi ku yaalla Hannover (Sawirro)

Caydiid Ali
Taboola Ads ---