Baarlamaanka dowlad goboleedka Hirshabelle oo maanta kulan ku yeeshay magaalada Jowhar ayaa sameestay mudo kororsi kadib markii Xildhibaanada cod aqlabniyad leh ku meel mariyeen ajandahii kulanka la horkeenay.
Kulanka maanta yeesheen Baarlamaanka Hirshabelle uu gudoominayay Gudoomiyaha Baarlamanka Dr. Cabdixakim Luqmaan xaaji Muxumed ayaa ajandahiisu ahaa U codeynta wax kabadalka mudo Xileedka Hay’adaha Dastuuriga Dowlad Goboleedka Hirshabelle.
Xildhibaanada Baarlamaanka Hirshabelle ayaa laga hor akhriyay Dastuurka Dowlad Goboleedka Hirshabelle oo Ka hadlaaya Awoodaha Baarlamanka Dowlad Goboledka Hirshabelle u leeyihiin wax ka bedelka mudo xileedka.
Dood dheer kadib ayaa Xildhibaanada Baarlamaanka Hirshabelle ayaa cod gacan taag ah ku meel mariyay in mudo xileedka Baarlamaanka iyo Madaxweynaha maamulkaasi laga dhigo mudo shan sano ah halka markii hore afar sano ka aheyd.
Gudoomiyaha Baarlamanka Hirshabelle Cabdixakim Luqmaan dayaa ku dhawaaqay in wax ka badelka mudo xileedka ogolaadeen 66 xildhibaan, halka ay diideen 3, waxaana ka aamusay 1 Xildhibaan.
Baarlamaanka Hirshabelle ayaa horey loo hadal hayay in mudo kororsi sameesan doonaan si waqtiga dhacitaankooda uga bedelaan xiliga inta badan Doorasahada Soomaaliya iyo xaalada kala guurka kusoo aada.
Xafiiska Shabakada Allbanaadir.com
Muqdisho Somalia
Allbanaadir@live.com
