Madaxweynaha Soomaaliya Maxamed Cabdullaahi Farmaajo ayaa xiligan mucaaradad xoogan kala kulmaya siyaasiyiinta mucaaradka ee kasoo horjeeda habdhaqanka siyaasadiisa iyo in mar kale loo doorto Madaxweynaha Soomaaliya.
Xildhibaan Mahad Maxamed Salaad oo katirsan golaha Shacabka ayaa ku tilmaamay Madaxweyne Farmaajo dagaal Ooge soo daahay, waxa uu sheegay in Farmaajo markii uu musharaxa ahaa lagu soo dhaweeyay gaadiid dagaal iyo hub aad u badan.
Waxa uu sheegay Xildhibaan Mahad in Madaxweyne Farmaajo markii uu ololaha waday sargaal ku heyb ah ku ilaalinayay kuna soo dhaweeyay qoryaha BKM iyo baasuukayaal sidoo kale lagu ilaalinayay gaadiidka Milatariga.
”Farmaajo shalay isagoo Baasuuke iyo BKM sita ayuu sidaan u bannaambixi jiray 2016-kii. Cabdi Billeyaal tuuteysan oo Gen. Caanood ilmo adeer yihiin uu watana waa waardiyeen jireen. Cid qabiil habel ayaad tahay ama qoriga maxaad u sidataa tirina majirto. ” ayuu yiri Xildhibaanka.
Xildhibaan Mahad Salaad ayaa sheegay in wax lala yaabo tahay in Musharaxiinta kasoo horjeeda uu qabiil ku tilmaamo uuna diido in ay qabsadaan banaan baxyo lagu taageerayo loogana soo horjeedo nidaamka uu hogaamiyo.
”Farmaajo maanta wuxuu leeyahay qabiil ayaad tihiin, Bastoolad ma qaadan kartaan, bannaambaxna ma qaban kartaan. Kaligitaliye intaan waa ka caqli badanyahay ee Farmaajo waa DAGAAL-OOGE SOO DAAHAY” ayuu yiri Xildhibaan Mahad Salaad .
Hadalkan kasoo yeeray Xildhibaanka ayaa kusoo aadaya xili dowlada diiday in magaalada Muqdisho ka dhacaan banaan baxyo looga soo horjeedo Madaxweynaha sidoo kale Siyaasiyiinta mucaaradka qabsadaan xaflado lagu taageerayo.
Xafiiska Shabakada Allbanaadir.com
Muqdisho Somalia
Allbanaadir@live.com
