Wasiirka Amniga Xukuumadda Soomaaliya Xasan Xundubey Jimcaale ayaa ka hadlay sababta loo xiray qaar ka mida wadooyinka Muqdisho iyo saameynta ka dhalatay.
Xasan Xundubey oo ka hadlayey warbaahinta dowladda ayaa sheegay in wadooyinka loo xiray sababo la xiriira sugida amaanka, isagoo Saxaafadda ka dalbaday inay iska ilaalayaan waxyaabaha been abuurka ah ee ay qorayaan, ayna wararkooda ku saleeyaan danta dadka iyo dalka.
“Anagu ma dhaheyno hala xiro ama hala joojiyo, laakiin bulshada ayaa kala sooci doonta waxa la faafinayo, waana in waxa la qorayo ay ahaadaan wax dan u ah dadka”. ayuu yiri Wasiir Xundubey.
Wuxuu sheegay inay soo gaareen dhibaatooyinka ka dhashay wadooyinka xiran iyo saameynta ay yeesheen, laakiin ujeedada aysan ahayn in dadka la dhibaateeyo, isagoo ka tacsiyadeeyay dadkii ay saameynta ku yeelatay howlaha lagu sugayo Amniga, isagoo ciidamada faray inay shacabka u turaan. Hoos ka Daawo
Xafiiska Shabakada Allbanaadir.com
Muqdisho Somalia
Allbanaadir@live.com
