Ciidamo aad u badan oo isugu jira booliis ,Nabad sugid iyo milatari ayaa saakay aroor hore lagu soo daadiyay qaar kamid ah wadooyinka muhiimka ah ee kuyaala magaalada Muqdisho .
Shacabka Muqdisho ayaana saakay kusoo toosay ciidamada magaalada lagu soo daadiyay sidoo kale xiray qaar kamid ah wadooyinka Caasimada, waxa ayna ciidamada u muuqdaan kuwa aad u feejigan oo taagan wadooyin aan horey loogu arki jirin.
Sida aan wararka ku heleyno ciidamadan saakay lagu soo daadiyay wadooyinka Muqdisho ayaa loogu tala galay in ay kahor tagaan banaan baxyo looga soo horjeedo Madaxweynaha Soomaaliya oo laga cabsi qabo in Muqdisho ka dhacaan.
Banaan baxyada laga cabsi qabo in ay ka dhacaan Muqdisho ayaa waxaa abaabulaya Midowga Musharaxiinta Madaxweynaha, waxaana banaan baxyadan looga soo horjeedo Madaxweyne Farmaajo la qorsheeyay in maalmahan ka socdaan Muqdisho.
Waxaana jirta cabsi laga qabo in ay isku dhacaan dadka banaan baxyada dhigaya iyo ciidamada amaanka , waxaana abaabulka banaan baxyadan cabsi badan ku beertay Villa Soomaaliya oo aad u neceb in la dhigo banaan baxyo looga soo horjeedo.
Xafiiska Shabakada Allbanaadir.com
Muqdisho Somalia
Allbanaadir@live.com
