Hanti Dhowraha Guud ee Qaranka Soomaaliya ayaa qoraal uu soo saaray ku amray Wasiiro hore oo katirsanaa Xukuumada Soomaaliya , Xildhibaano katirsan labada Aqal ee dowlada iyo masuuliyiin kale oo heesta Gaadiid kala duwan oo ah hanti dowlada leedahay.
Qoraalka kasoo baxay Hanti Dhowraha Qaranka ayaa lagu faray Wasiirka Ciyaaradaha iyo Dhalinyarada Xamza Saciid Xamza , Wasiirkii hore Arrimaha Dibadda, Wasiirkii hore Arrimaha Gudaha, Wasiirkii hore Diinta iyo Awqaafta, in ay soo celiyaan gaadiid Dowlada leedahay oo ku maqan.
Waxaa sidoo kale masuuliyiinta la faray in gaadiidka dowlada soo celiyaan ku jira Xildhibaano katirsan labada Aqal ee Baarlamaanka federaalka ay ku jiraan Wasiiru Dowlihii hore ee Arimaha Dibadda C/llaahi Faarax Wehliye, Xildhibaan Daahir Amiin Jeesow iyo Senatar Ayuub Ismaaciil.
Hanti Dhowraha Qaranka ayaa masuuliyiintan ku amaray in gaadiidka ku maqan oo isugu jira kuwa aan Xabaduhu karin iyo gaadiid kale oo qaali ah in ay kusoo celiyaan mudo 10-cisho gudahood.
Xafiiska Shabakada Allbanaadir.com
Muqdisho Somalia
Allbanaadir@live.com
