Warbaahinta Al Shabaab ayaa baahisay Muuqaal iyo Sawirro laga soo qaaday Weerar sanadkii hore dagaalyahano katirsan Al Shabaab ku qaadeen dhismo weyn oo kuyaala magaalada Nairobi ee Caasimada dalka Kenya.
Dhismaha Al Shabaab weerareen ayaa waxaa ku dhax yaalay Hotelka caanka ah ee DusitD2 iyo xarumo kale kale , waxaana weerarkan ku bilowday gaari waxyaabaha qarxa laga soo buuxiyay iyadoona xigtay weerar toos ah oo goobtaasi Al Shabaab ku qaadeen.
Muuqaalka Al Shabaab soo bandhigeen oo soconayay 7-Daqiiqo ayaa lagu soo bandhigay dagaalyahanadii weerarkaasi fuliyay iyo sidii uu u dhacay weerarkaasi oo ka dhasheen khasaaro badan oo isugu jira dhimasho iyo dhaawac.
Weerarkan Al Shabaab ka fuliyeen sanadkii hore Nairobi ayaa waxaa ku dhintay dad ka badan 20-qof halka ay ku dhaawacmeen tiro intaa ka badan, waxaana weerarkan uu kamid noqday kuwii ugu khasaaraha badnaa ee Al Shabaab ka geestaan gudaha Kenya.
Xafiiska Shabakada Allbanaadir.com
Muqdisho Somalia
Allbanaadir@live.com
