Maxkamadda Al-Shabaab ayaa fagaare ku yaalla degmada Tayeeglow ee gobolka Bakool ku toogatay shalay galab nin lagu magacaabi jiray Isxaaq Xasan Daa’uud oo 70 jir ahaa ka dib markii ay ku riday xukun dil ah.
Ninkan ayaa lagu eedeeyey inuu ku shaqeysan jiray Sixirka iyo inuu kala geeyo ragga iyo dumarka.
Qaadiga maxkamadda ayaa fagaaraha xukunku ka dhacayay ka hor sheegay in ninka la dilay uu dadka kala geyn jiray marmarka qaarna uu isku soo dhoweyn jiray isagoo adeegsanaya sixirka.
“Isxaaq Xasan Daa’uud ayaa ayaa muddo 20 sano ah ku shaqeynsanayay Sixirka isagoo dad badan dhibaato ugu geystay, ugu dambeyntii ciidamada Xisbada ayaa goob fagaare ah ku toogtay Saaxirka oo shareecada Islaamka fartay in la dilo” ayuu yiri qaadiga Al-Shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
