Iska horimaad ayaa saaka ka dhacay degmada Hodan ee magaalada Muqdisho kaasoo dhexmaray ciidamada Booliska iyo rag hubeysan.
Goob joogayaal ayaa sheegaya in iska horimaadku bilowday markii ciidamada amaanku ku baxeen rag hubeysan oo watay mooto bajaaj, kuwaasoo isgoyska Al-baraka dhac ugu geysanayey dad shacab ah oo ay ka qaadanayeen Mobilada.
Mid ka mid ah ragga burcadda ah ayaa la dilay halka mid kalena isaga oo dhaawac ah ay gacanta ku dhigeen ciidamada ammaanka  sida dad goob joogayaal ay warbaahinta la wadaageen.
Saraakiisha laamaha amaanka ayaanka hadlin dhacdadan oo ku soo beegantay xili xalay agagaarka Ex-carwo Idko ee isla wadada 30-ka ay ku dagaalameen ciiamada amaanka iyo rag hubeysan oo gelbinayey qaad laga soo dejiyey xeebaha duleedka Muqdisho.
Dhinaca kale, darawal mooto bajaajle ah ayaa xalay lagu dilay degmada Kaaraan, kaasoo aanan faahfaahin ka helin cida ka dambeysay iyo sababta loo dilay.
Xafiiska Shabakada Allbanaadir.com
Muqdisho Somalia
Allbanaadir@live.com
