Iska horimaad xooggan oo muddo kooban socday ayaa la soo sheegayaa inuu saaka ka dhacay xaafado ka tirsan magaalada Dhuusamareeb ee xarunta caasimada Galmudug.
Wararku sheegayaan in iska horimaadku dhexmaray maleeshiyooyin hubeysan oo iska horjeeda, kuwaasoo ku muransanaa dhul ku yaala magaaladaas oo mudooyinkanba la isku heystay Milkiyadiisa.
Ugu yaraan hal ruux ayaa halkaas ku dhintay, kaasoo la sheegay inuu ahaa ganacsade magaciisa lagu sheegay C/llaahi Caabi, halka ay ku dhaawacmeen qaar kale.
Xaalada ayaa degan, waxaana goobta gaaray ciidamada amaanka maamulka Galmudug o halkaas ka wada baacsiga kooxaha dagaalamay ee uu gacantooda ku baxay ganacsadaha la dilay o si weyn looga yaqaano magaaladaas.
Xafiiska Shabakada Allbanaadir.com
Muqdisho Somalia
Allbanaadir@live.com
