Madaxweynaha Puntland Mudane Siciid Cabdullaahi Deni ayaa galabta dhiirigelin ugu tegay Xulka Kubadda Cagta Puntland oo diyaar-garow ugu jira Koobka Kubadda Cagta ee Dowladdaha xubnaha ka ah Dowladda Federaalka iyo Gobolka Banaadir kaasoo dhowaan ka furmaya Muqdisho.
Garoonka Kubadda Cagta ee Mire Awaare waxaa Madaxweynaha kusoo dhoweeyay Masuuliyinta Wasaaradda Shaqada, Shaqaalaha, Dhallinyarada iyo Ciyaaraha, kadibna wuxuu Madaxweynuhu wakhti la qaatay ciyaartoyda isagoo daawaday tababarka xulka kubadda Cagta ee Puntland iyo shaqada wanaagsan ee ay halkaasi ka hayaan Masuuliyiinta Ciyaaraha.
Madaxweynaha ayaa hadal kooban u jeediyay Ciyaartooga xulka kubadda Cagta Puntland, wuxuuna ku bogaadiyey diyaargarowga iyo dadaalka ay ku jiraan, isagoo kula dardaarmay Akhaalq-wanaag, Ciyaar wanaagsan iyo wada-shaqeyn qaab ciyaareedka inay wanaajiyaan sida weerar, difaac iyo dhex , wuxuuna u rajeeyay inay koobka ku guuleystaan.
Sidoo kale Madaxweynaha ayaa intuu Garoonka ku sugnaa la kulmay Guddiga dhismaha Garoonka kubadda Cagta ee Mire Awaare, oo Madaxweynaha la wadaagay sida ay shaqadu u socoto.
Xafiiska Shabakada Allbanaadir.com
Muqdisho Somalia
Allbanaadir@live.com
