War kasoo baxay taliska ciidanka milatariga Soomaaliya ayaa lagu sheegay in howlgal qorsheesan oo ciidamada ka fuliyeen deegaano katirsan gobolka Shabeelaha Hoose ku dileen dagaalyahano katirsan Al Shabaab.
Howlgalka ciidamada milatariga Soomaaliya ka fuliyeen degaanada Wala galeen ,Galka saalimow, Dahaad ,Ceel maracade Garas Gawaan oo katirsan gobolka shabeelaha hoose ayaa la sheegay in lagu dilay xubno badan oo katirsan Al Shabaab.
Taliyaha Ciidanka Dhulka Xoogga Dalka Jeneraal Maxamed Tahliil Biixi, ayaa warbaahinta dowlada u sheegay in howlgalka ku dileen 11-dagaalyahan oo katirsan Al Shabaab iyo sargaalkii hogaaminayay.
Waxa uu sidoo kale sheegay taliyaha in ay bur buriyeen goobo Al Shabaab kaga sugnaayeen deegaanadan ay ku jiraan goobo uu tilmaamay in Al Shabaab shacabka uga qaadi jireen lacago baad ah.
Ciidamada milatariga Soomaaliya ayaa mudooyinkii dambe xoojiyay howlgalada ay ka fulinayaan gobolka Shabeelaha Hoose, howlgaladan ayaana inta badan ciidanka milatariga Soomaaliya ka sheegtaan guulo.
Xafiiska Shabakada Allbanaadir.com
Muqdisho Somalia
Allbanaadir@live.com
