Fal dil ah oo naxdin iyo argagax abuuray ayaa saacado ka hor ka dhacay xaafad ka tirsan degmada Kaaraan ee magaalada Muqdisho, kadib markii nin toorey ku hubeysan uu dilay hooyadiis.
Cabsiiye Caddaan oo ah magaca ninka dilka geystay ayey wararku sheegayaan inuu muran ku saabsan dhaxal dhexmaray qoyska, taasoo keentay inuu Hooyadiis Toorey ku dilo.
Ninkan ayaa sidoo kale la sheegay inuu dhaawacay laba wiil oo ay midkood walaallo yihiin kuwaasoo isku dayayey iney qabtaan markii uu hooyadiis dilayey.
“Ninkan hooyadiis waxay u diiday inuu iibiyo boos dhaxal ahaa, wuxuuna isagoo arrintaas ka careysan dilay hooyadiis oo ahayd waayeel 70 sano jir ah” ayuu yiri qof ka mid ahaa dad goob joogayaal ah.
Booliska degmada Kaaraan oo goobta gaaray ayaa la sheegay iney luga ka toogteen ninka dilka geystay ka dib markii uu diiday inuu dhigo Mindi uu watay, waxaana markaas kadib la dhigay isbitaal ciidamada ay ilaalo ka hayaan sida ay wararku nagu soo gaarayaan.
Xafiiska Shabakada Allbanaadir.com
Muqdisho Somalia
Allbanaadir@live.com
