C/kariin Xuseen Guuleed oo ka mid ah musharaxiinta u taagan doorashada Madaxweynaha ayaa kulamo kala gooni ah la qaatay Guddoomiyeyaasha labada aqal ee Baarlamaanka Federaalka Somalia.
Xaalada Siyaasadeed ee dalka, gaar ahaan guddiyada doorashooyinka oo xilligan lagu muransan yahay ayaa ka mid ah waxyaabaha uu Guuleed kala hadlay labada gudoon ee baarlamanka.
Warar ku dhow ku dhow kulamadan ayaa sheegaya C/kariin Guuleed uu Mursal iyo Cabdi Xaashi kala hadlay baahida loo qabo in la helo hannaan doorasho oo cadaalad ah iyo Guddiyada doorashada lagu soo xulo qaab wadar ogol ah.
Guddoomiyaha Aqalka Sare Cabdi Xaashi ayaa muujiyey in loo baahan yahay talo, wadahadal iyo isu tanaasul, si loo helo xasillooni Siyaasadeed, isagoo xusay in madaxda DF laga doonayo iney u dhego nuglaadaan talooyinka musharaxiinta.
Xafiiska Shabakada Allbanaadir.com
Muqdisho Somalia
Allbanaadir@live.com
