Diyaar-garow ballaaran oo lagu soo dhoweynayo RW hore ee Somalia Xassan Cali Khayre ahna musharax u taagan doorashada Madaxweynaha Somalia ayaa laga dareemayaa saaka Muqdisho qeybo ka mid ah.
Dadweyne fara badan oo wata sawirada Khayre iyo boorar kala duwan ayaa ku sugan nawaaxiga garoonka dayuuradaha Aadan cadde ee magaalada Muqdisho halkasoo la filayo inuu goor dhow ka soo dego Khayre.
Waxaa sidoo kale soo dhoweynta ka qeyb qaadanaya wiilal wata fardo sharaxaad qurux badan loo sameeyey, kuwaasoo soo jiitay indhaha dad badan.
Khayre oo dalka kaga maqnaa safar muddo qaatay oo uu ku soo kala bixiyey dalal ka tirsan Afrika iyo Turkiga ayaa maanta dib ugu soo laabanaya Muqdisho.
Soo dhaweynta loo sameenayo saakay Musharax Xasan Cali Kheyre oo goordhaw kusoo wajahan Muqdisho ayaa noqoneysa tii ugu balaarneed oo loo sameeyo Musharax u taagan xilka Madaxweynaha Soomaaliya sanada 2021.
La soco warbixinada iyo sawirada soo dhoweynta Khayre
Xafiiska Shabakada Allbanaadir.com
Muqdisho Somalia
Allbanaadir@live.com
