Xildhibaan Mahad Salaad oo kamid ah Xildhibaanada golaha shacabka ee Baarlamaanka federaalka ayaa shaki balaaran ka muujiyay kala hadalka Ra’isul Wasaaraha Soomaaliya Maxamed Xuseen Rooble iyo kuxigeenkiisa Mahdi Guuleed.
Waxa uu sheegay Xildhibaanka in Rooble dhawaan sheegay in mucaaradka aysan ka wel welin doorashada dhawaan dhaceysa uu isaguna meesha u joogo , halka uu tilmaamay Mahdi Guuleed uu sheegay in la qabanayo doorasho la mid ah tii maamul goboleedyada.
”Rooble maalin dhawayd wuxuu warbaahinta u sheegay “Murashixiinta waxaan leeyahay ha welwelinina aniga ayaa meesha idiin jooga cid idin dhacaysa ma jirto”. Mahdi Guuleedna caruurtii dugsida hoose iyo dhaxe wuxuu maanta u sheegay “In ay qabanayaan doorasho wareega koowaad Farmaajo ku soo baxayo sida doorashadii Koonfur Galbeed, Galmudug iyo Hirshabelle ” ayuu yiri Mahad Salaad.
Xildhibaanka ayaa sidoo kale sheegay in hadalka Ra’isul Wasaare Rooble ka muuqdo doorashada soo socota xoog iyo boob lagu qaadan doono, halka uu tilmaamay in hadalka Mahdi Guuleed isna ka muuqdo in doorashada Madaxweyne Farmaajo ku shuban doono.
Xafiiska Shabakada Allbanaadir.com
Muqdisho Somalia
Allbanaadir@live.com
