Kolonyo gaadiid ah ay wateen ciidamada nabad ilaalinta u jooga Soomaaliya ee AMISOM ayaa saakay qarax miino lagula eegtay halka loo yaqaan Masaajidka Turkiga oo kuyaala inta u dhaxeysa Isgooska Fagax iyo xaafada Jamhuuriya ee degmada Kaaraan.
Jugta qaraxa ayaana laga maqlay xaafado katirsan degmooyinka Kaaraan iyo Yaqshiid, waxaana qaraxa lala eegtay gaadiidka ay wateen ciidamada AMISOM oo marayay goobta lagu qarxiyay.
Ciidamada AMISOM ayaana qaraxa kadib furay rasaas xoogan oo laga ridayay qoryaha culus, waxa ayna rasaasta ay fureen ciidamada la qarxiyay cabsi badan ku beertay dadka shacabka ah.
Wararka la helayo ayaa sheegaya in ay jiraan khasaaro aan wali la xaqiijin inta uu la egyahay oo ka dhashay qaraxa lala eegtay ciidamada AMISOM iyo rasaasta culus ay fureen ciidamada qaraxa miino lala eegtay.
Ciidamada AMISOM ayaana inta badan goobaha qaraxyada lagula eegto ku dila kuna dhibaateeya dadka shacabka ah ee halkaasi ka dhaw, waxa ayna ciidamada AMISOM marar badan rasaas ay fureen ku dhintay shacab aan waxbo galabsan.
Xafiiska Shabakada Allbanaadir.com
Muqdisho Somalia
Allbanaadir@live.com
