Waxaa saakay oo axad ah la baajiyay Imtixaanka Shahaadiga Dugsiyada sare oo shalay si rasmi ah uga bilowday magaalada Muqdisho iyo qaar kamid ah gobolada dalka Soomaaliya .
Wasiirka Wasaaradda Waxbarashada Soomaaliya C/Raxmaan Daahir Cismaan ayaa sheegay in Roobka xoogga leh ee xalay ilaa saakay ka da’ayay Muqdisho uu sababay in ardayda u suurto gelin in ay tagaan goobaha lagu qaadayay Imtixaanka.
Magaalada Muqdisho iyo qaar kamid ah gobolada dalka ayaa xalay ilaa saakay waxaa ka da’ayay roob xoogan oo sababay in ay hakad galaan isku socodka dadka iyo gaadiidka, waxaana ardayda ku adkaatay in ay tagaan xarumaha Imtixaanka lagu qaadayo.
Dowlada Soomaaliya ayaa shalay daah furtay Imtixaanka Shahaadiga Dugsiyada sare oo sanadkan galayaan 27,000 oo Ardey oo ku kala sugan magaalada Muqdisho iyo qaar kamid ah gobolada dalka.
Xafiiska Shabakada Allbanaadir.com
Muqdisho Somalia
Allbanaadir@live.com
