Madaxweynaha dalka Mareykanka Donald Trump ayaa dacwad ku aadan in wax isdaba marin lagu sameeyay doorashadii dhawaan dhacday u gudbiyay Maxkamada sare, waxa uuna wali diidan yahay guusha uu doorashada ka gaaray Joe Biden.
Xisbiga Jamhuuriga uu katirsan yahay Trump xubnaha ugu sareeya ayaa taageero u muujiyay dacwada uu u gudbiyay Maxkamada, waxa ayna xubnahan shaki galiyeen in doorashada si cadaalad ah u dhacday.
Guddoomiyaha Aqlabiyadda ee Goolaha Senetka Mitch McConnell iyo Guddoomiyaha Xildhibaanada laga tirada-badanyahay ee Aqalka Wakiillada Kevin McCarthy, ayaa sheegay in Trump uu ku saxsanyahay inuusan aqbalin natiijada doorashada illaa si rasmi ah looga caddeynayo in aysan dhicin wax-isdabamarin ah.
Madaxweynaha Mareykanka iyo Xisbiga Jamhuuriga ayaa wali diidan guusha doorashada ka gaaray Musharaxa Xisbiga Dimuquraadiga Joe Biden, waxa ayna sheegeen Jamhuuriga tirinta codadka qaar ka mid ah gobollada Mareykanka is daba marin lagu sameeyay.
Xafiiska Shabakada Allbanaadir.com
Muqdisho Somalia
Allbanaadir@live.com
