Afhayeenka Aqalka cad ayaa shaaca ka qaaday in madaxweyne Donald Trump uu dacwad ka dhan ah guusha Joe Biden geeyey Maxkamada sare ee Maraykanka.
Waxay jeedisay eedo ay ku sheegtay in doorashada la muqsuqmaasuqay, inkastoo aysan soo bandhigin wax caddeyn ah oo muujinaya in doorashada la khiyaamay, ayna saameysay natiijada doorashada ka soo baxday.
Trump, oo ahaa musharraxa xisbiga Jamhuuriga ayaan weli oggolaan natiijada doorashada ka soo baxday.
Donald Trump ayaa markale Isniinta bartiisa Twitter-ka ku soo qoray arrin dood ka dhalisay natiijada isaga oo ku andacooday sheegashooyin aan la xaqiijin oo ah “ficil aan macquul ahayn oo sharci darro ah codbixinta la xiriira inay dhacday”.
Maamulka adeegga guud ee maamulo hay’adaha Federalka ee dalka Mareykanka, ayaa hakad gelisay in loo oggolaado kaaliyeyaasha Biden iney toos u billaabaan howlaha kala guurka ee xilka uu kula wareegayo, madaama weli aan si rasmi ah loo hubinin qofki ku guuleystay doorashada.
Xafiiska Shabakada Allbanaadir.com
Muqdisho Somalia
Allbanaadir@live.com
