Midowga Afrika ayaa ku baaqay in la joojiyo dagaalka u dhaxeeya ciidamada dowlada Federaalka Itoobiya iyo kuwa taabacsan maamulka Tigrey oo mudo isbuuc ka badan ka socda qeybo kamid ah Ismaamulka Tigrey.
Guddoomiyaha guddiga Midowga Afrika Moussa Faki Mahamat, ayaa dhinacyada dagaalka u dhaxeeyo ugu baaqay in ay xabada joojiyaan isuguna yimaadaan wadahadal si xal looga gaaro colaada aloosan.
Moussa Faki ayaa sheegay in Midowga Afrika uu diyaar yahay dadaal kasta oo lagu xallinayo dagaalka ka socda gobolka Tigrey ee dhiiga badan ku daadanayo, waxa uuna ku baaqay in shacabka loo turo lana joojiyo dagaalka.
Baaqan kasoo yeeray Midowga Afrika ayaa kusoo aadaya xili dhawaan madaxweynaha Tigray Debretsion Gebremichael, ugu baaqay Midowga Afrika in uu soo faragaliyo dagaalka kana shaqeeyo xabad joojin iyo xal nabadeed.
Xafiiska Shabakada Allbanaadir.com
Muqdisho Somalia
Allbanaadir@live.com
