Booliiska gobolka Florida ee dalka Mareykanka ayaa toogasho ku dhaawacay nin hubeesan oo galay goob lagu ciyaaro kubadda Golf-ka uu leeyahay Madaxweynaha dalka Mareykanka Donald Trump.
Jonathan Oddi, oo ah 42 ayaa la sheegay in uu tagay goobta Golf-ka lagu ciyaaro uu leeyahay Madaxweynaha, ciidamada booliiska ayaa markii dambe lugaha ka dhaawacay ninkan kadib markii rasaas isweedaarsadeen.
Dad ku sugnaa goobta lagu arkay ninka hubeesan oo kutaala magaalada Miami ayaa ku wargaliyay booliiska dhacdadan, booliiska ayaa isbitaal la ilaalinayo dhigay ninkan ay dhaawaceen.
Qoraal uu ninkan ku qoray baraha bulshada ayuu ku sheegay in uu yahay nin sameeya layliga jirdhiska oo macalin ah, islamarkaasna ah nin maalgashi ku sameeya guryaha, sidoo kalena maamule ka ah shirkad ka ganacsatada dahabka iyo macdanta kale.
Madaxweynaha dalka Mareykanka ayaan wali ka hadlin iska hor imaadka ka dhacay goobta uu leeyahay, hasa ahaatee wiilka Madaxweynaha oo goobtan masuul ka ahaa ayaa ku aamany falcelinta booliisku sameeyeen.
Xafiiska Shabakada Allbanaadir.com
Muqdisho Somalia
Allbanaadir@live.com
