Kooxo biskoolado ku hubeesan ayaa maanta xaafad katirsan degmada Kaxda ee gobolka Banaadir waxa ay ku dileen Gudoomiye waaxeed katirsanaa degmadaasi .
Sida aan wararka ku helnay Ibraahim Colow Cali oo ahaa gudoomiyihii Waaxda Shanaad ee Degmada Kaxda ayaa lagu dilay weerar gaadmo ah, waxaana baxsaday kooxdii dilka masuulkaasi ka dambeesay.
Ciidamada amaanka dowlada Soomaaliya ayaana dilka kadib gaaray goobtii lagu dilay Gudoomiye waaxeedka, waxa ayna ciidamada howlgalo ay sameeyeen ku guul dareesteen soo qabashada ragii dilka fuliyay.
Dagaalyahano hubeesan ayaa marar badan magaalada Muqdisho ku dilay Gudoomiye waaxeedyo katirsan degmooyinka gobolka Banaadir, waxaana la sheegaa inta badan in Gudoomiye waaxeedyada aysan heysan ilaalo weerarada ka difaaca.
Xafiiska Shabakada Allbanaadir.com
Muqdisho Somalia
Allbanaadir@live.com
