Nin hubeesan ayaa toogasho dad badan lagu dilay waxa uu maanta oo jimco ah ku qaaday Iskuulka lagu magacaabo Santa Fe High School ee kuyaala gobolka Texas ee dalka Mareykanka.
Inta la xaqiijiyay weerarkan waxaa ku dhintay 10-qof oo u badnaa ardayda wax ka baraneysay iskuulka la weeraray, waxaa sidoo kale toogashadan lagu dhaawacay dhoor qof oo kale.
Nin hubeesan ayaa gudaha u galay kadibna rasaas xoogan ku furay ardayda dugsiga sare ee Santa Fe ee magaalada Santa Fe oo ah magaalo qiyaastii 50-km dhinaca koonfur bari kaga beegan magaalada Houston.
Ciidamada booliiska ayaa toogashadan u xiray hal nin oo looga shakisan yahay in uu ka dambeeyay, mana jiro wali faah faahin badan ay booliiska ka bixiyeen weerarkan waxa uu salka ku hayay.
Dalka Mareykanka waxaa kusoo kordhaya toogashada ka dhaceysa iskuulada dalkaasi kuyaala, maalmo kahor ayey aheyd markii sidan oo kale arday hubeesnaa uu weerar ku qaaday iskuul.
Xafiiska Shabakada Allbanaadir.com
Muqdisho Somalia
Allbanaadir@live.com
