Kooxo biskoolado ku hubeesan ayaa caawa abaaro salaadii Maqrib Sargaal katirsanaa ciidanka milatariga Soomaaliya waxa ay ku dileen waaxda Kurdamac oo katirsan degmada Dayniile.
Sida aan wararka ku helnay dhalinyaro biskoolado ku hubeesnaa ayaa gudaha garaash uu lahaa sargaalkan oo ahaa labo Xidigle lagu magacaabayay Xuseen Sheekh Muxumad (Xuseen Sandheere) ku dilay xili uu salaada Maqrib u weeso qaadanayay.
Kooxdii dilka geesatay ayaa la sheegay in goobta si deg deg uga baxsadeen, waxaana dilka kadib halkaasi gaaray ciidamo katirsan booliiska iyo Nabad sugida kuwaa oo ku guul dareestay soo qabashada ragii dilka geestay.
Dilkan caawa ka dhacay Degmada Dayniile ayaa noqonaya kii afaraad oo 24-saac gudahood ka dhaca gudaha Dayniile, waxaana dilalkan noqonayaan kuwii ugu badnaa oo saacado gudahood ka dhacay Dayniile oo kamid aheyn goobaha ugu nabdoon Muqdisho.
Xafiiska Shabakada Allbanaadir.com
Muqdisho Somalia
Allbanaadir@live.com
