Jabuuti ayaa mar kale xirtay xudduudaheeda kaddib markii uu soo laba kacleeyey cudurka Coronavirus.
Waxaa maalmihii la soo dhaafay dalkaas laga diiwaan geliyey kiisas badan,
War ka soo baxay xafiiska Madaxweynaha Jabuuti ayaa lagu sheegay in xadduudaha dhanka dhulka la xirayo muddo 15 maalmood ah, si loo xakameeyo faafitaanka cudurka.
Jabuuti waxay ka mid ahayd dalalka Afrika ee uu sida ba`an ugu faafay COVID-19, hase yeeshee dadaal ay dowladdu sameysay ayaa lagu sheegay inay yaraadeen kiisaska, muddooyinkii ugu dambeeyay.
Bilihii ugu dambeeyay xanuunka coronavirus ayaa ka dabar go`ay dalkaas, sida ay shaacisay wasaaradda caafimaadka. Warbixintii ugu dambeysay ee wasaaradda ayaa lagu sheegay inaysan jirin kiisas cusub, isla markaana dhammaan dadka uu ku dhacay ay ka bogsadeen.
Balse shalay oo keliya ayay wasaaraddu shaacisay 30 kiis oo cusub, taasoo dhalisay walaac cusub oo la xiriira in cudurka uu mar kale soo labo kacleeyey.
Xafiiska Shabakada Allbanaadir.com
Muqdisho Somalia
Allbanaadir@live.com
