Xeer ilaaliyaha Guud ee dowlad goboleedka Jubbaland Maxamed Sheekh Cusmaan ayaa wax lala yaabo ku tilmaamay Wasiiro, Xildhibaano, iyo Odayaal dhaqameedyo dedaal ku bixinaya sii deynta shaqsi ay matalaan oo ku eedeysan fal dambiyeedyo uu ka mid yahay kufsi.
Waxaa uu intaas ku daray in Jubbaland aysan ogolaan doonin falalka uu kufsiga ka mid yahay, sidoo kalena dadka lagu helo aysan aqbali doonin in dad siyaasiyiin ah ay damaanad ku sii daayaan.
Maxamed Sheekh Cusmaan ayaa digniin siiyey shaqsiyaadka kufsiga geysta, waxaana uu sheegay in Jubbaland aysan dadkaasi ka hari doonin, isla markaana ay ka qaadi doonaan tallaabo sharciga waafaqsan.
Falalka Kufsiga haweenka iyo caruurta ayaa mudooyinkan ku soo badanayey qeybo ka mid ah Soomaaliya, dadka falkaas ku lug leh qaarkood waala qabtay, kuwo kalena gacan laguma dhigin weli, mana cadda sababta ka dambeysa kufsiga sii kordhaya.
Xafiiska Shabakada Allbanaadir.com
Muqdisho Somalia
Allbanaadir@live.com
