Ku-simaha Gudoomiyaha Gobalka Banaadir Ahna Gudoomiye ku xigeynka Maamulka iyo Maaliyada Mudane Axmed Xasan Iimaan ayaa caawa xariga ka jaray wado si qurux badan loo dhisay oo laga hirgaliyay degmada Warta Nabada.
Wadadan xariga laga jaray oo la saaray Interlock ayaa gaareysa 700 mitir, waxaana dhismaha wadadan sida quruxda badan loo dhisay gacan weyn ka geestay maamulka gobolka Banaadir.
Gudoomiye ku xigeynka Maamulka iyo Maaliyada Mudane Axmed Xasan Iimaan ayaa sheegay in ay ku faraxsan yihiin hirgalinta wadadaan uu sheegay in ay iska kaashadeen Bangiga Aduunka iyo maamulka gobolka Banaadir.
Axmed Iimaan ayaa sheegay in gobolka Banaadir gacan ka geesan doono dhismaha wadooyinka kale ee magaalada Muqdisho , waxa uuna xusay in maamulka diyaar u yahay horumarinta gobolka iyo sidii wadooyinka caasimada loo dhisi lahaa.
Maamulka gobolka Banaadir ayaa wadooyin kuyaala qaar kamid ah xaafadaha magaalada Muqdisho saaray Interlock, waxa ayna taasi sare u qaaday bilicda wadooyinka la saaray oo qaarkood markii hore ahaa kuwa aad u bur bursan.
 Xafiiska Shabakada Allbanaadir.com
Muqdisho Somalia
Allbanaadir@live.com
