Nin qaxooti ah oo asal ahaana kasoo jeeda dalka Eritrea ayaa kamid noqday Baarlamaanka dalka New Zealand, kadib guul weyn oo doorashadii dhacday ka gaaray Xisbiga Ra’iisul Wasaaraha New Zealand Jacinda Ardern.
Ibrahim Omer oo ahaa qaxooti isaga cararay dalkiisa Eritrea ayaa noqday ninkii ugu horeeyay ee kasoo jeeda Qaarada Afrika ee kamid noqda Baarlamaanka dalka New Zealand.
Warbaahinta caalamka ayaana si weyn u hadal heysa guusha uu ninkan qaxootiga ahaa ka gaaray dalka New Zealand, waxa uuna ninkan xubin muhuum ah ka ahaa xisbiga talada New Zealand haya taa oo guusha u horseeday.
Ibrahim ayaa dalkiisa Eritrea ka tagay sanadkiii 2003-dii waxa uuna tagay dalka Sudan uu ugu dambeyn uga sii gudbay dalka New Zealand uu ka helay nolal ka duwan tii uu dalkiisa hooyo ku heestay.
Ninkan Xildhibaanka noqday ayaa dalka New Zealand markii uu gaaray nadiifiye ka noqday Jaamacadda Victoria, waxa uuna ugu dambeyn waxbarasho ka bilaabay isla jaamacadaasi uu markii dambe ka baxay isagoona siyaasada ku biiray.
Xafiiska Shabakada Allbanaadir.com
Muqdisho Somalia
Allbanaadir@live.com
