Madaxweyne kuxigeenka Galmudug mudane Cali Daahir Ciid oo maalmhan socdal ku marayay Gobolada Mudug iyo Galgaduud ayaa waxa Magaalada Cabudwaaq kula wareegay Gadiid dagaal iyo Maleshiyaad hubeesan .
Gadiidka maanta lagu wareejiyay Madaxweyne kuxigeenka iyo Ciidanka waxay ka mid noqonayan Ciidamada Darwiishta Galmudug , waxaana hubkan iyo maleeshiyaadka ku wareejiyay Odayaasha Beesha Celi Mareexaan.
Odayasha dhaqanka beesha hubka wareejisay ayaa waxay sido kale Sheegeen in Maalmaha so socda ay wareejin doonan qaybta labaad ee gadiidka Beesha oo hada sameys iyo dayaactir ku jira.
Madaxweyne kuxigeenka Galmudug ayaa beesha Celi uga mahadceliyay sida ay u garab istaageen Dowlada Galmudug waxaa uu sido kale ugu baqay Beelaha kale ee Waqooyiga Galgaduud in ay ayagana so wareejin hubka iyo maleeshiyaadka ay hayaan.
Cali Ciid ayaa sido kale sheegay in dhawaan wafdi ka socda Wasaarada amniga ay iman doonan Cabudwaaq ku waa oo si rasmi ah ula wareegi doona Ciidankan iyo gadiidka si loogu biiriyo ciidanka Daraawiishta Galmudug tababarna loogu furo.
Maamulka Galmudug ayaa hub iyo maleeshiyaad siyaabo kala duwan ugula wareegay qaar kamid ah beelaha dega Mudug iyo Galmgaduud, maleeshiyaadka ayaana tababar loo furay kadib lagu biiriyay ciidanka Daraawiishta Galmudug.
