Allaha u naxariistee waxaa xalay isbitaal ku yaalla magaalada Minneapolis ee dalka Mareykanka ku geeriyooday Wariye Cabdulqaadir Maxamed Mursal oo ahaa rug cadaa saxaafadeed oo caan ka ahaa gudaha Soomaaliya.
Wariyaha ayaa mudooyinkii dambe ku xanuunsanaa isbitaal kuyaala magaalada Minneapolis , waxaana gabadhiisa sheegtay in aabaheed uu ku dhacay cudurka Caronavirus balse uu ka bogsaday cudurkaasi uguna dambeyn u geeriyooday saameyntii uu ku reebay cudurkaasi.
Sii Hayaha wasiirka warfaafinta Xukuumada Soomaaliya mudane Maxamed Cabdi Xayir Maareeye ayaa ka tacsiyadeeyay geerida ku timid Wariye Mursal, waxa uuna ku tilmaamay wariyaha in uu ahaa rugcadaa wax badan kasoo qabtay Warbaahinta Soomaaliya.
Cabdulqaadir Maxamed Mursal ayaa ahaa rug cadaa mudo dheer saxaafada Soomaaliya kusoo jiray, waxa uuna kamid ahaa Wariyaashii kasoo shaqeeyay Radio Muqdisho, waxa uuna madax kasoo noqday Warbaahino kala duwan.
Xafiiska Shabakada Allbanaadir.com
Muqdisho Somalia
Allbanaadir@live.com
