Magaalada Jilib ee gobolka Jubada Dhaxe waxaa lagu qabtay munaasabad balaaran oo lagu caleemo saarayay Suldaanka Beesha Muddulood ee gobolada Jubbooyinka Suldaan C/fataax Xasan Maxamed.
Munaasabada caleemo saarka Suldaanka beesha Muddulood ee gobolada Jubooyinka waxaa kasoo qeyb galay masuuliyiin iyo saraakiil katirsan Al Shabaab ,waxgarad kala duwan oo ka yimid qaar kamid ah gobolada dalka iyo dadka ku dhaqan Jilib.
Dadkii kala duwanaa ee ka hadlay munaasabada lagu caleemo saarayay Suldaanka Beesha Muddulood ee gobolada Jubbooyinka ayaa hambalyo u diray Suldaanka cusub, waxaana suldaanka goobta lagu gudoonsiiyay hadiyado kala duwan.
Al Shabaab ayaa gobolada iyo degmooyinka ay maamulaan waxaa ka jira nabadoono iyaga taabacsan oo leeyihiin beelaha dega goobaha ay maamulaan, waxaana sidan oo kale Al Shabaab horey u caleemo saareen Ugaasyo, Salaadiin iyo Nabadoono cusub.
Xafiiska Shabakada Allbanaadir.com
Muqdisho Somalia
Allbanaadir@live.com
