Ra’iisul Wasaaraha cusub ee Soomaaliya Maxamed Xuseen Rooble ayaa maanta xilka si rasmi ah ula wareegay, kadib munaasabad kooban oo lagu qabtay xafiiska Ra’isul Wasaaraha ee ku dhaxtaala Madaxtooyada.
Munaasabada uu xilka kula wareegayay Ra’isul Wasaaraha cusub ee Soomaaliya waxaa joogay Guddoomiye Kuxigeenka 1aad C/weli Ibrahim Muudey, qaar kamid ah sii hayaasha xilka Wasiirada iyo wakiilo ka socday beesha Caalamka.
Mahdi Guuleed oo xilka Ra’isul Wasaaraha ku-sime ahaa ayaa ku wareejiyay Maxamed Xuseen Rooble xilka Ra’isul Wasaaraha, waxa uuna farta ka saaray dukumiintiyo kala duwan ay ku jiraan sharciyo si boobsiis ah lagu ansixiyay intii Mahdi ku sime ahaa.
Ra’isul Wasaaraha cusub ee Soomaaliya ayaa ku guul dareestay in uu xilka kala wareego Ra’isul Wasaarihii ka horeeyay Xasan Cali Kheyre, waxaana diiday in Kheyre xilka ku wareejiyo Rooble Madaxtooda Soomaaliya.
Xafiiska Shabakada Allbanaadir.com
Muqdisho Somalia
Allbanaadir@live.com
