Allbanaadir.com
MUQDISHONEWS

Culimo Quraan-saar u socday oo ku dhamaaday Qarax ka dhacay duleedka Xudur

Wararka ka imaanaya magaalada Xuddur ee xarunta gobolka Bakool ayaa sheegaya in Qarax miino oo dhulka lagu aasay ay la kacday dad shacab ah oo mootooyin bajaaj saarnaa

Goob joogayaal ayaa sheegaya 6 qof ay ku geeriyootay labo kalena ay  ku dhaawacmeen miinadan, kuwaasoo iskugu jiray dadkii mootada la socday iyo qaar wadada lugeynayey.

Qaraxan wuxuu ka dhacay meel Xuddur 25km kaga beegan dhinaca waqooyi halkaasoo ay marto wadada xiriirisa magaalooyinka Ceelberde, Quracjoome iyo gobolka Hiiraan.

Dadka Mootada saarnaa ee geeriyooday ayaa waxaa ku jiray Culimo la sheegey inay ku socdeen guri lagu casuumay oo qur’aan ay ka akhrin lahaayeen, waxaana ku jiray labo walaalo ah.

Dadkan ayaa saaka lagu aasayaa tuulada Banjinaay oo 15-km u jirta magaalada Xuddur, halkaasoo markii hore aheyd degaankii ay ka baxeen.

Maamulka gobolka Bakool iyo kan degmada Xudur ayaan ka hadlin dhacdadan uurkutaalada leh, sidoo kale ma jirto cid sheegatay masuuliyada Qaraxan oo la aaminsan yahay iney ka dambeysay Al-shabaab.

Xafiiska Shabakada Allbanaadir.com
Muqdisho Somalia

Allbanaadir@live.com

Related posts

DF oo shaacisay iney cagta marisay Maxkamadihii Al-Shabaab ee duleedka Muqdisho

Caydiid Ali

Dowladda Soomaaliya oo War kasoo saartay Doorashadii ka dhacday Somaliland

Cabdi Cade

Ciidamada Booliiska oo caawa Howlgal khasaaro dhaliyay ka fuliyay Xaafad katirsan Muqdisho

Cabdi Cade
Taboola Ads ---