Ciidamada Kumaandooska Soomaaliya ee Danab ayaa howlgal qorsheesan ay fuliyeen degmada jamaame ee gobolka jubada hoose waxa ay ku dileen Sargaal katirsanaa Al Shabaab iyo dagaalyahano la socday.
Sargaal katirsan Ciidamada Danab ayaa Warbaahinta dowlada u sheegay in ciidamada Kumaandooska si gadamo ah ku weerareen guri kuyaala degmada Jamaame uu ku sugnaa sargaal katirsan Al Shabaab.
Warbaahinta ciidamada Dowlada ayaa baahisay in sargaalka ciidamada Dowlada dileen oo lagu magacaabayay Aadan yuusuf Shiikh Maxamuud (Abuu Salmaan) uu ahaa Madaxii Al Shabaab u qaabilsanaa diyaarinta qaraxyada.
Ciidamada Danab ayaa sidoo kale la sheegay in howlgalkan ku dileen afar dagaalyahan oo la joogay sargaalka la dilay, mana shaacin Saraakiisha ciidamada khasaaro dhankooda kasoo gaaray howlgalkaasi.
Kumaandooska Soomaaliya ayaa howlgalo qorsheesan ka fuliya deegaajo iyo degmooyin kuyaala gobolada dalka ay maamulaan Al Shabaab, mana jiro war kasoo baxay Al Shabaab oo ku aadan sargaalkan dowlada sheegtay in ay dileen.
Xafiiska Shabakada Allbanaadir.com
Muqdisho Somalia
Allbanaadir@live.com
