Madaxweynaha Dowlad Jubbaland Mudane Axmed Maxamed Islaam ayaa goordhow dib ugu soo laabtay Magaalada Muqdisho kadib Safar deg deg ah oo uu shalay ku tagay Magaalada Kismaayo.
Axmed Madoobe ayaa halkaas kaga soo qaybgalay Aaska Allaha u Naxariistee Gudoomiyahii Rugta Ganacsiga Jubbaland Shaafi Raabi Kaahin iyo dad kale oo shalay lagu dilay qarax ismiidaamin ah oo ka dhacay Masaajid ku yaalla Kismaayo
Madaxweynaha ayaa Magaalada Muqdisho kaga qaybgali doona shirka Dowlada Federaalka ah iyo Dowladaha xubnaha ka ah ee lagaga hadlayo sidii Dalka ay uga dhici lahayd Doorasho la isku raacsan yahay kaasoo maalmaha soo socda furmaya.
Dhinaca kale, Madaxweynaha Galmudug Axmed Qoor-qoor oo safar deg deg ah shalay ku tagay Nairobi ayaa isna ku soo laabtay Muqdisho
Axmed Qoor-qoor ayaa la sheegay inuu Nairobi kula kulmay Saraakiil ka tirsan dowlada Imaaraadka Carabta oo xiligan aysan isku fiicneyn dowlada Madaxweyneb Farmaajo.
Xafiiska Shabakada Allbanaadir.com
Muqdisho Somalia
Allbanaadir@live.com
