Mid ka mid ah kiisaska sida weyn looga naxay ee kufsiga ah ayaa Isniintii ka dhacay magaalada caasimadda ah ee Delhi ee dalka India ka dib markii Nin da’diisa lagu qiyaasay 30-meeyo loo xiray kufsi uu u geystay haweeney ayeeyo ah oo jirta 86 sano.
“Haweeneydu waxay maqribnimadii Isniinta gurigeeda hortiisa ku sugeysay ninka caanaha iibiya markii uu u yimid ninka weerarka u geystay,” ayey tiri Swati Maliwal, oo ah madaxa Golaha Haweenka ee magaalada Delhi
Wuxuu u sheegay in uusan imaaneynin ninkii sida joogtada ah caanaha u keeni jiray xaafadda, wuxuuna u ballan qaaday inuu geynayo meel ay caano ka heli karto.”
Haweeneyda waayeelka ah ayaa aamintay hadalkiisa, wayna raacday,” ayey trhi Ms Maliwal, iyadoo intaas ku dartay inuu geeyay meel beer ah, halkaasna uu ku kufsaday.
“Wax badan ayey oysay iyadoo ka baryeysa inuu iska dhaafo. Waxay u sheegtay inay ayeeyadiis oo kale tahay. Laakiin wuu iska dhaga tiray baryadeeda, si naxariis darro ah ayuuna u kufsaday iyadoo isku dayeysa inay iska celiso,” ayey tiri Ms Maliwal.
Dadkii xaafadda ee agagaarkaas marayay ayaa maqlay oohinteeda, wayna badbaadiyeen. Ninkii falka geystayna waxay ku wareejiyeen booliska oo sheegay iney ku soo oogi doonaan dacwad dil ah.
Xafiiska Shabakada Allbanaadir.com
Muqdisho Somalia
Allbanaadir@live.com
