Waxaa soo baxaya faahfaahino ku saabsan Khasaaraha ka dhashay qarax ka dhacay maqaayada Blue Sky oo ku taalla meel ku dhow Kontrol laga ilaaliyo Villa Somalia una dhexeysa tiyaatarka Qaranka iyo xabsiga Godka Jilacow.
Nin naftiisa soo biimeeyey oo isku soo xiray waxyaabaha qarxa ayaa dhex galay ka dibna isku qarxiyey maqaayada oo xiligaas ay fadhiyeen dad shacab u badan oo galabtii halkaas ku shaaha.
Meydadka dad shacab ah oo la garan waayey ayaa la sheegay iney yaalaan goobta, iyadoo dad badan oo dhaawac ahna loo qaaday goobaha Caafimaadka sidoo kale burbur badan ayuu geystay qaraxaas.
Ugu yaraan saddex qof ayaa illaa hadda la xaqiijiyey iney ku dhinteen qaraxan marka laga reebo qofka isqarxiyey halka 7 kale ay ku dhaawacmeen sida uu sheegay afhayeenka wasaarada warfaafinta xukuumada Somalia.
Ma jirto illaa hadda cid sheegatay qaraxan, Al-shabaab oo weerarada noocan ah looga bartayna weli kama hadlin, waxaana la filayaa in saacdaha soo socda ay war ka soo saaraan laamaha amaanka DF.
Xafiiska Shabakada Allbanaadir.com
Muqdisho Somalia
Allbanaadir@live.com
