Madaxweynaha Galmudug Mudane Axmed Cabdi Kaariye iyo xubno katirsan maamulkiisa wafdigiisa ayaa kulan la qaatay Wasiirada Wasaaradaha Amniga,Arimaha gudaha iyo Taliyaasha Ciidamada Dalka Jabuuti.
Kulanka ayaa waxaa diirada lagu saaray amniga iyo sidii ciidamada hiil-walaal iyo kuwa Galmudug iskaga kaashan lahaayeen howlgalada lagaga hortagayo alshabaab, iyo in ay dowlada Jabuuti sii xoojiso taageerada ay siiso Galmudug.
Wasiirada iyo Saraakiisaha dowlada Jabuuti ee kulanka ka qeyb galay ayaa maamulka Galmudug u balan qaaday wada shaqeyn dhaw iyo in ay gacan ka siin doonaan dhinacyo badan sida dhinaca horumarka iyo amaanka.
Madaxweynaha maamulka Galmudug Axmed Cabdi Kaariye Qoor Qoor oo maalmahan ku sugnaa magaalada Jabuuti ayaa kulamo kala duwan la qaatay Madaxweynaha Jabuuti iyo masuuliyiin kale oo katirsan dowlada dalkaasi.
