Waxaa dib u dhacay shirkii caawa la filayay inuu Villa Somalia uga furmo Madaxweyne Farmaajo iyo Madaxda dowlad goboleedyada Puntland iyo Jubbaland sida ay sheegayaan warar lagu kalsoon yahay oo ku dhow Madaxtooyada Somalia.
Shirka ayaa looga hadlayaa sidii sidii loo dhameystiri lahaa heshiiskii Dhuusamareeb 3, ayna qeybtooda uga qeyb qaadan lahaayeen sidii loo heli lahaa doorasho la isku raacsan yahay.
Warka ayaa intaas ku daraya in sababta shirku u baaqday ay tahay shuruud ka timid Madaxweynaha Jubbaland oo in Dowladda Federaalka ka soo saarto Ciidamada ay geysay gobolka Gedo.
Madaxtooyada Somalia ayaa galabta shaacisay in caawa shirku furmayo, arrintaas ayaan haatan dhicin, waxaana socda kulamo hoose oo lagu xalinayo tabashada iyo shuruuda Jubbaland.
Dhinaca kale, Madaxweynaha Jubbaland iyo Taliyaha NISA Fahad Yaasiin kulan saacado qaatay ku yeeshay Myqdisho, iyadoo arrinta Gobolka Gedo ay ka mid tahay waxyaabaha laga hadlay, faahfaahina lagama bixin natiijada kulankaas.
Xafiiska Shabakada Allbanaadir.com
Muqdisho Somalia
Allbanaadir@live.com
