Madaxweynaha Galmudug Mudane Axmed Cabdi Kaariye iyo wefti uu hogaaminayo ayaa maanta safar shaqo ugu ambabaxay Dalka Jabuuti. Kaddib casuumaad rasmi ah oo uu ka helay Madaxweynaha dalkaas Mudane Ismaaciil Cumar Geelle.
Guddoomiyaha Golaha Barlamaanka Galmudug Dr. Maxamed Nur Gacal, masuuliyiin ka tirsan Goleyaasha Dowladda, siyaasiyiin iyo maamulka caasimadda ayaa weftiga Madaxweynaha ka sagootiyey garoonka diyaaradaha Ugaas Nuur ee Dhuusamareeb.
Madaxweynaha Galmudug ayaa magaalada Jabuuti kula kulmi doona Madaxweynaha dalka Jabuuti iyo masuuliyiin kale oo katirsan dalkaasi, waxa ayna kawada hadli doonaan sidii Jabuuti gacan uga geesan laheyd horumarka Galmudug.
Safarkan uu maanta ugu ambo baxay dalka Jabuuti Madaxweynaha Galmudug ayaa noqonaya safarkii ugu horeeyay uu dalkaasi ku tago, waxa uu sidoo kale safarkan noqonayaa kii labaad uu dalka dibadiisa ugu ambo baxo.
Xafiiska Shabakada Allbanaadir.com
Muqdisho Somalia
Allbanaadir@live.com
Muqdisho Somalia
Allbanaadir@live.com
